Minister-in MzSU dinna turte tlawh

Higher & Technical Education minister Dr Vanlalthlana chuan nimin khan Mizo-ram State University (MzSU) dinna tur hmun ṭhenkhat a tlawh a, sorkar official-te nen hmalak zel dan tur an sawiho.

MzSU hi Mizoram sorkar college awm sa hrang hrang hmangin din tum a ni a, MzSU dinna tur college-te chu HTE Minister hian a tlawh kual a ni. Minister hi HTE leh PWD department hotute'n an ṭawiawm.

HTE Minister-in a tlawhte chu - MzSU administrative building awmna tur Luangmuala Geology & Mining ram ṭhin te, Luangmuala Aizawl West College campus hmun te, administrative building lailawk awmna tur Sikulpuikawna Aizawl College building te, Mualpuia Aizawl College campus te, Muthia Hrangbana College hmun te, Durtlanga Zirtiri Residential Science College campus te a ni.