MTP-in khawmpui an hmang

Mara Thyutlia Py (MTP) chuan November 28 zan khan Kiasie khuaah khawmpui an hmang a, khuallian mi­nister of state Dr K Beichhua chuan khaw­tlang nun tichhe mektu sualna chi hrang hrang leh zu leh drugs dona kawngah tha thlah loa, chak taka hmalam pana kal turin a fuih.

Dr K Beichhua chuan term 5 chhung MTP pre­sident a lo nih tawh thu sawiin, "Chuta ka thil hriat­chhuah chu  hruaitute hi mi famkim loh leh chak lo tak te kan ni. Mahse sub-hqrs. leh branch hruai­tute leh member-ten min 

ṭawiawmna leh chhawmdawlna hian chakna min pe ṭhin a ni. Chuvangin zanin kan hruaitu  thlan tharte hi Pathianin tun term (2019-2022) atan min pek te an ni, tih hi chiang i la, nghet takin i ṭawiawm tlat ang u," a ti. MTP khawmpui hi Palak bialtu MLA KT Rokhaw leh Siaha DC Bhupesh Chaudhary-te pawhin an hmanpui.