Children’s Conclave buatsaih

Mizoram State Commission for Protection of Child Rights (MSCPCR) chuan nimin khan Ramhlun Sports Complex Wrestling Hall-ah 'State Level Children’s Conclave' an buatsaih a, Social Welfare & Women and Child Development secretary Lalzarmawii'n a hawng.

Children’s Conclave-ah hian thupui chu 'Voices of Tomorrow' tih a ni a; zirlai naupangte chu an hma huna an hriat tur ṭul leh an tana pawimawh dan hrang hrangte zirtir an ni. Aizawl, Champhai, Serchhip, Mamit, Saitual leh Khawzawl district-a middle school 34 aṭangin zirlai 153 leh zirtirtu 34 an tel a; vawiinah chhun-zawma zawh a ni ang.