Ṭawizo-in Ṭhâlfavâng Kût an hmang

Ṭawizo khua chuan an VC leh tlawmngai pawlte huaihawtin nimin khan Ṭhálfavâng Kût an hmang a, bialtu MLA Prof. Lalni-lawma, minister of state-in a hmanpui.

Prof. Lalnilawma chuan, Ṭawizo chu Ṭawi bial hming put chhan a nih thu sawiin, "Saitual district-a khaw tê ber zinga mi ni mah se, mi ropui tak tak an chhuak tawh a, an la chhuak zel thei a ni," a ti a, khaw awizo tihmingṭhatu leh an khua tana palai an ni tih inhre reng turin mipui a chah.

Khualzahawm Saitual bawrhsap Dr Lalngura Tlau pawhin thu sawiin, Ṭawi tlang chhehvel khuate'n ramngaw an humhalh avangin khaw 10 chuangin tui hnianghnar taka an neih theih thu sawiin, "Mi dangte tan malsawmna an ni," a ti.

Ṭawizo Ṭhalfavang Kut hi Organising Committee chairman H Vanlalhluna'n a kaihruai a; adviser to CM Lalmuanpuia Punte leh chief information commissioner John Neihlaia te pawhin an hmanpui a ni.