Ui-â hri danna pe vek turin hriattir

24th October, 2025

Aizawl district magistrate chuan thupek chhuahin, ui reng reng a vulhtute'n ui-â hri danna (rabies vaccine) an pe vek tur a nih thu leh khawlaiah zalên takin ui chhuahtir phal a nih loh thu a puang.

District Magistrate chuan, ui khuahkhirh loha thlah zalen lutuk chu mi pawi sawina a ni thei tih tarlangin, "Khawlaiah kan vahtir mai mai chuan mihring tan a hlauhawm bakah, khaw chhung a tiṭawp ṭhin. Ui-â hri danna pek lohin mi a seh phei chuan ui neitu hremna a nêp lo hle," a ti a; ui vulhte khuahkhirh a nih theih nan thupêk chhuah a nih thu a tarlang. Thupêk hi thla hnih chhung hman tur a ni.

AIZAWL DISTRICT MAGISTRATE THUPEK

◆ Ui vulhtute'n ui-â hri danna an ui vulhte an pe vek tur a ni.

◆ Khawlaiah zalen takin ui an chhuahtir mai mai tur a ni lo.

◆ Ui chhuahpui a nih pawnin hrui (leash) rinawm takin an kai ngei tur a ni.

◆ Ui zun leh êk khawlaiah an hnutchhiah tur a ni lo.

◆ Mi dang tana harsatna siam thei zawngin ui an vulh tur a ni lo.

◆ Ui khuahkhirh loin mihring a seh chuan BNS Section 291 hmangin thla 6 chhung tân emaw, Rs 5,000 thleng chawi theih a ni.