HINDI CONCERT

 Greenhill Public School chuan nimin khan Mualpuia an sikulah Hindi Concert an buatsaih a, zirlaite'n Hindi ṭawng hmangin zai leh lâmte an entir.

Greenhill Public School hi Mualpui, Aizawla awm niin, kum 2015-ah din a ni a, KG 1 aṭanga pawl 9 thleng zir theihna a ni. Director Rev. Dr K Thanzauva hoin thawktu 48 leh zirlai 684 an awm mek. Hindi Concert-ah hian India rama state hrang hranga hnam hrang hrangte zain leh lâm bakah, an chanchinte tarlan a ni a; Hindi veka kaihruaiin hun an hmang a ni. Dr Louis Hauhnar khuallian a ni a, zirlai nu leh pate an tel.