KHAWTHLIR

25th October, 2025

Thisen pe

Aizawl District Institute of Education and Training (DIET) NSS chuan nimin khan an hmunah thisen pek huaihawtin, Civil Hospital, Aizawl tan thisen unit 37 an pe a, petute mipa 23 leh hmeichhia 14 an ni.

Minister-in hmanpui

Minister Dr Vanlalthlana chuan nimin khan a bial chhunga Ramhlun North Branch MUP din champha vawi 51 lawmna, Ramhlun North Presbyterian Kohhran halla neih a hmanpui. Minister chuan, MUP member-te chu ram leh hnam ro hlu an nih thu sawiin, "Thurâwn ṭha tak tak min petute in ni a, khawtlang leh ram inrêlbàwlna leh inenkawlnaah kan ban pawimawh tak in ni a, ram tan in hlu tak zet," a ti. Ramhlun North Branch MUP-ah hian member 571 an awm mek a ni.

Financial literacy

Reserve Bank of India leh ICFAI University, Mizoram chuan nimin khan ICFAI University-a NJY Memorial Auditorium-ah financial literacy, consumer awareness leh digital banking chungchang inzirtirna an buatsaih. RBI executive director P Vasudevan leh manager Ruthy Puanunmuang ten an hmanpui a; digital transaction leh technology, consumer aweareness leh greavance redressal mechanism chungchangte an hrilhfiah a ni.

MNF-in Jt CEO-ah Complaint thehlut

MNF party chuan Dampa bial MLA by-election awm tura ZPM campaign-naah chief minister Lalduhoma leh adviser to chief minister Dr Lorrain Lalpekliana Chinzah ten Election Model Code of Conduct an bawhchhia ngaiin, nimin khan joint chief electoral officer Ethel Rothangpuii hnenah complaint an thehlut. MNF hian a ṭul anga hma la turin Election hotute an ngen a ni.

Inkhawmpui hmang

Mizoram Veterinary Service Association chuan nimin khan AITI, Selesihah golden jubilee an lawm a, AH&Vety minister C Lalsawivunga'n a hmanpui. Minister chuan, Vety doctor-te chu ei leh bara Mizoram a intodelh theih nan an thiamna leh finnate hmang zel leh, ram leh hnam tan ṭhahnemngai taka rinawm taka thawk zel turin a chah.

Inkhawmpui hmang

Mizoram Stenographers Service Association (MSSA) chuan nimin khan IPR Auditorium-ah Annual General Conference an hmang a, golden jubilee an lawm nghal. MSSA-ah hian affiliated member pahnih nen member 165 an awm mek a; MSSA president Daphne Zosangpuii chuan, sorkar tana theihtawp chhuah zel turin member-te a chah.