Tribal humhalhna chungchang zirho

Mizoram Political Science Assocation chuan October 23-24, 2025 khan 'Constitutional safeguards and tribal autonomy in India' tih thupui hmangin international conference an buatsaih a; Gauhati High Court judge Justice Yarenjungla Longkumer khuallian a ni.

Conference hi Mizoram State Legal Services Authority bultuma neih niin, Hrangbana College Department of Political Science-in an thleng a; October 23 zanah online hmangin technical session neih a ni a, nimin khan Hotel Regency-ah chhunzawm a ni.

Justice Yarenjungla Longkumer chuan, India Constitution duangtute;n tribal-te humhalhna an ngai pawimawh tih sawiin, "Sixth Schedule phei chuan tribal-te humhalh ṭha tak a duang a, hei hi hman ṭangkai thiam a ngai. Article 371A leh article 371G phei chuan Nagaland leh Mizoram tan thuneihna zau tak a pe a, hman ṭangkai thiam chuan inhumhalhna ṭha tak a ni," a ti.

Conference-ah hian mithiam eng emaw zatte paper buatsaih 30 zirho a ni.