Kudama leng tâwk buhfai chhêk khawl

Food, Civil Supplies & Consumer Affairs (FCSCA) department hotute hnen aṭanga thu dawn danin, tun dinhmunah Supply kudam neih zawng zawnga leng thei ang tâwk buhfai chhêk khawl a ni.

Tun dinhmunah buhfai quintal 1,51,408.54 an chhêk khawl mek thu sawiin FCSCA department hotute chuan, "Kan kudam dinhmun enin, hei aia tam chhêk khawl vak ngaihna a awm tawh chuang lo. Hunpuiah mipuiin buhfaiah harsatna an tawh lohna atan theihtawp kan chhuah," an ti.

FCSCA department hotute sawi danin, tuna buhfai chhêk khawl mek chu Mizoram mipui thla hnih tla vel a ni a; kudam aṭanga sem chhuah a nih veleh chhêk khawl leh nghal zel ṭhin a ni.