Larsapin Sikkim Soldierathon vailiam

Governor Gen. Dr Vijay Kumar Singh chuan nimin zing khan Paljor Stadium, Gangtok-ah 'Great Himalayan Connect: Run the Ridge-Connect the Peaks - Unite the Spirit' tih thupui hmanga buatsaih 'Sikkim Soldierathon 2.0' (Hill Half Marathon) a hmanpui a, Soldierathon-a tlan tur mi 2,700 a vailiam.

Soldierathon hi Indian Army Eastern Command hnuaia 'Fitistan - Ek Fit Bharat' leh Trishakti Corps ṭang dun buatsaih a ni a; a tum ber chu - sipai leh mipui, a bikin ṭhalaite inkarah taksa hriselna chawi lâra inkungkaihna ṭha zawk siam te, ram pumah ram tana nunna hlantute ngaihhlutna tuh te, ram venghimtu sipaite ngaihsanna leh chhuanna thinlung mipuia tuhte a ni.

Sikkim Soldierathon 2.0-ah hian category pathum siam a ni a, Sikkim Governor Om Prakash Mathur leh mi pawimawh dangte pawhin an telpui. Mizoram leh Sikkim larsapte hian lawmman an sem a, lawmman chi hrang hrang an sem a ni.