Workmen compensation dilna Kuminah 19 chingfel tawh

Hnathawhna hmuna chetsualna avanga nunna chan leh hliam tuarte'n, kumin chhungin Motor Accident Claims Tribunal (MACT) ah mi 22 in zangnadawmna (workmen compensation) an dil tawh a, kumin chhung vekin mi 19 te dilna chinfel a ni tawh.

MACT hotute hnen aṭanga thudawn danin, workmen compensation diltute hian thil pawimawh hrang hrangte an nei a nih chuan pek ṭhin an ni a, an zangnadawmna hmuh zat erawh an dinhmun a zirin a in ang lo a ni.

Mizorama MACT chu kum 1992-ah Law & Judicial department-ah hna thawk theiin din ṭan a ni a, kum 1997-ah Aizawl District Court building-ah office hran neiin hna an thawk ṭan a ni.