Gas distributor-te'n lungawi lohna lantir

Federation of LPG Distributors of India chuan, sorkar laipuia an thil phût chi hrang hrang nawr nan November 5, 2016 aṭangin lungawi lohna an lantir a; Mizoram Indane Distributors Association (MIDA) pawhin zawmin, store room khâr thlenga an thil phût nawr an tum.

MIDA hruaitute hnen aṭanga Vanglaini thu dawn danin, gas distributor-te hian an thil phût nawrna atan hian November 5
aṭangin badge dum bel leh banner tárin lungawi lohna an lantir tawh. Ruahmanna siam dan chuan, November 22 khan chawhnu lamah store room an khâr a, November 29-ah nilênga store room khâr an tum a ni.

Store room khar tur hi Rs. 500 leh Rs. 1,000 note tihthih a nih avangin ṭhulh hrih a ni a, engtik aṭangin nge an khâr dawn tih chungchangah Federation of LPG Distributors of India thu an ngaihchan mek thu MIDA hruaitute chuan an sawi. Hetih lai hian, lungawi lohna lantirna lian ber chu December 15, 2016 aṭanga
ṭan tum a ni.

LPG Distributor-te thil phût

μ Oil company, distributor-te leh gas hmangtute inkara hna thawh dan tur leh inkungkaihna chiang tâwk taka tarlan.

μ Gas hmangtute hnena hmanrua an pekna tur man leh thil an tihsak man chiang taka tarlan.

μ Gas tihchingpen a nih lohna tur leh a puh rûk loh nana cylinder ṭha taka seal.

μ Gas commission zat chipchiar taka tarlan.

μ Gas commission, delivery charge leh thil dang senso ngaite ennawn.

μ Gas ceiling limit ennawn.

μ Gas distributor-te vuivaina enfiahtu tur cell din.