KHAWTHLIR

Gujarat-ah high level team zin

Mizoram sorkara High Level Team chuan Gujarat-a contract farming, cooperative movement leh entrepreneuship development kalphung zir turin nimin khan Mizoram an chhuahsan. High Level Team hi Finance minister Lalsawta'n a ho a; member kalte chu - Horticulture minister PC Lalthanliana, Planning Board vice chairman H Liansailova, AH&Vety minister C Ngunlianchunga, parliamentary secretary (Finance) KS Thanga te bakah, sorkar official, bank hotute leh Mizoram Entrepreneurship Network aiawhte an ni.

MUP inzaisiak

Art & Culture department leh MUP ṭangkawp chuan, Thawhlehni khan Vanapa Hall-ah Aizawl khawpui chhunga MUP Unit-te tan lengkhawm zaia intihsiakna an buat­saih a, Aizawl khawpui chhung area 13-a intihsiaknaa pakhatna ṭheuh an inel a, Salem veng Unit chu pakhatna an ni a, pahnihna leh pathumna chu Ramthar Veng Unit leh Ramhlun Vengthar Unit an ni.

Car chesualah thi

Thawhlehni zan khan Sialsuk dáia Leimawiah Alto car a chesual a, a hmunah Zahmingthanga, Melthum h/o Lalhluani a thi nia thu dawn a ni. Motor-ah hian mi pahnih an chuang a, pakhat hi a hliam bawk.

Lunglên Kûtpui

Zo Rimawi International (ZRI) leh Thil Hlui Humhalhtu Pawl, Sateek ṭangkawp chuan nimin khan Sateek khaw dáia Lianphunga Bûngah ‘Lunglên Kûtpui' vawi hnihna an hmang a, Mizoram State Commission for Women chairperson Vanlalawmpuii Chawngthu, MLA khuallian niin, MLA Vanlalzawma khualzahawm a ni. He hunah hian zaithiamte an zai bakah, hnam làmte entir a ni.