Ṭhalaite hna hmuh dan tur ngaihtuah

Labour Employment & Industrial Training (LEIT) minister Lalrin-mawia Ralte chuan, Thawhlehni khan Mizo ṭhalaite'n cruise line leh hospitality industry hrang hranga hna an hmuh theihna atan Goa-a hetiang lam industry hotute a kawm.

Lalrinmawia Ralte hian Joncia Marine Ser-vices Managing director, John Dias leh CEO Praveen M Dias te chu thawhho dan kawng awm theite a sawipui a ni.

Sorkar thuchhuah tar-lan danin, Joncia Marine Services Mizo ṭhlalaite tana ram chhung leh pawn lama hna zawnsak tura zau taka an inhawn thu leh kawng dappui tura Mizorama anmahni ngei lo kal a, seminar neihpui an duh thu LEIT Minister hi an hrilh.

Lalrinmawia Ralte hian cruise line-a eisiamna lam training petu leh hna zawnsaktu Kamaxi Overseas Consultants director Parixit Pai Fon-de-kar pawh a kawm a ni.

Parixit Pai Fondekar chuan an company kal tlanga Mizo ṭhalaite hna zawnsak leh hna hmu tlaka zirtir an inhuam thu sawiin, Mizoram hmun ngeia training buatsaih dan dap an duh thute LEIT Minister hi a hrilh a ni.