Congress ṭhalaite'n eiruk laka fihlima inpuang ngam an fak

Congress party ṭha-laite chuan thuchhuah siamin, chief minister Lal Thanhawla leh Congress party hruaitute'n Congress party kaihhruai Mizoram sorkara thuneitute eirûk lakah an fihlim an ti ngam chu an chhuan thu an tarlang a; dik leh thianghlim taka rorel zel turin duhsakna an hlan.

Sorkar hotute'n eiruknaah an fihlim nia an inpuan ngam laia MNF vice president Dr R Lalthangliana'n November 22, 2016-a Tuivawl South Block MNF Conference, Darlawna neihah, 'Congress sorkar corruption lakah an fihlim tih hi thu belhchian dâwl lo a ni,' tia a sawi chu finfiahna nei loa dâwt hmanga mipui bum tumnaa an ngaih thu an sawi a, "Eirûkna chungchang sawi ngam tur a ni lo," an ti.