Mizoram Bru 32,857 endik an ni

Mizoram aṭanga Bru ráltlân, Tripura relief camp-a awmte Mizorama hruai kîrna atana November 2, 2016 aṭanga Bru enfiah hna chu November 23 khan zawh a ni a; Bru camp parukah chhungkaw 5,413-a mi 32,857 enfiah an ni.

Bru enfiahna hnu-hnung ber, Nilainia Ha-zacherra camp-a enfiah-naah chhungkaw 517-a mi 2,893 enfiah an ni a, chungte chu puitling 2,130 leh naupang 763 an ni.

Hazacherra-a endik zinga chhungkaw 315-a puitling 1,230 leh naupang 432, mi 1,662 chu Lunglei district mi an ni a; chhungkaw 144-a mipa 635 leh naupang 243, mi 878 chu Mamit district mi niin, chhungkaw 58-a puilting 265 leh naupang 88, mi 353-te chu Kolasib district mi an ni.