Press miten PWD hmalakna tlawh

Nimin khan khan I & PR Department leh MJA Gen. Hqrs bultumin, chanchinbu miten PWD Aizawl Road South Division hmalakna ṭhen-khat an tlawh.

PWD ARSD te hian Vanapa Hall hnuai kawng, bitumen (alkatra) hmanga siam ṭhin chu a tlo loh
ṭhin vangin Plane Cement Concrete (PCC) hmangin an siam a. Vanapa Hall ban chhak ber zawn aṭanga Aizawl Temple lam, metre 76 a sei chu PCC hmang hian siamin, PCC ni mahse tlo zawk nan a hnuaiah iron rod an dah tho tih an sawi a. Metre 76 a sei PCC siam nan hian Rs. nuai 3 an seng tih sawiin, bitumen hmanga siam ai chuan tlo zawk tawh turah an ngai.

PWD ARSD te hian Press mite hi Venghlui to Republic Junction (Pi Pangi Peng) siam that mek chu an enpui bawk.

Pi Pangi Peng tihzauh nan hian a pengṭhuam laia thing chu kih a nih tawh bakah, a pengṭhuam laia awm thin BSNL Panel Board 2 (pahnih) chu kawng chhak kilah sawn mek a ni a. Kawng thlang lama mimal in pakhat chu kawng zauh nan ṭhiah a, PWD te hian he in neitute hi kawng an-in metre 15 a sei dawr an sak-sak dawn a, a ban phun mek a ni.

Pi Pangi Peng zauhna leh kawng chhuat siamrem nan hian PWD chuan NEDP atangin Rs. nuai 59 sanction an hmu a, heta tang hian nuai 21 chu kawngthlang lama kawng zauh nana in ṭhiahsakte tana dawr sak-sak nana hman tur hi a ni.

PWD ARSD te hian Upper Republic Presby-terian Church bul atanga Holy Heart School a chhuak thla, metre 200 a thui internal road repair & restructuring an thawh mek leh, New Secretariat Complex Internal Road Phase-II km 1.3 resurfacing an thawh mekte chu Press mite hi an enpui bawk.

ARSD te hian mahnia tui inpe chawp thei Tandem Vibrating Roller 2 (pahnih) an nei a, he Roller hi ton 5-a rit niin, vibration a a awm chuan a delh rih lam hi ton 8 a ni thung a. Kawng chhemfaina khawl an nei thar bawk.

Press mite hi I & PR atangin Joint Director Pu David L. Thangliana leh, PWD atangin Pu David Sapzova, E.E., Aizawl Road South Division ten an kaihruai a ni.