Bru-te an duhthusama awmtir remti lo

MPC party ṭhalaite chuan thuchhuah siamin, Mizoram aṭanga tlanchhia Bru-te Mizorama hruai kîr hunah an awmna district pangngaia awmtir chu
ṭha an tih rualin, an duhthusam anga an duhna hmuna a huhoa awmtir erawh an remtih loh thu an tarlang.

MPCY chuan, Mizoram sorkarin Bru raltlante tluang taka endik hna a zo thei chu lawmawm an tih thu leh identification team-te thawhrimna leh inpekna fakawm an tih thu an sawi a, "Bru-te an chhuahna district
ṭheuha kîr leh tura rua-hmanna siamsak an nih anga an lo kîr leh hi ṭha kan tih rual-in, an duhthusam anga a huhoa an duhna hmuna awmtir erawh chu engti kawng mahin kan remti thei dawn lo," an ti.

MPCY chuan, tun hnaiah Assam sorkar-in Medili lui bul Mizoram chhunga ramri chhinchhiahna ‘pillar’ an phun chu hriatthiam harsa an tih thu an tarlangin, Hachhek Constituency Development Committee-te'n ramri himna atana a rang lama hma la tura Mizoram sorkar an ngen chu an thlàwp thu an sawi a, "Assam sorkarin kan ram chhunga pillar an phun hi beisei anga Mizoram sorkarin ramri humhimna kawngah hma a la lo a nih chuan thianfai turin kan pên chhuak dawn a ni," an ti bawk.