IIMC Director-General-in seminar hawng

Indian Institute of Mass Communication (IIMC) director-general KG Suresh chuan, nimin khan Mizoram University-a Department of Mass Communication-in 'Media, Technology and power of politics: The Indian conventicle' tih thupui hmanga national seminar an buatsaih a hawng.

KG Suresh chuan, media leh politics inkungkaihna leh a ṭha lo zawnga hman a nih theih thu sawiin, “Media industry-ah hian thil inlumlet a thleng nasa ṭhin a, tunah pawh a thleng mek reng. Sorkar
aṭangin media khuahkhirh tumna a awm ngai lo a, inkaihhruaina erawh
siam a ni a, inkaihhruai-na siamte hi kan zâwm em tih chu journalist-te'n inzawtin, mahni kan inkhuahkhirh
ṭhin tur a ni,” a ti.

Seminar hi ni hnih awh tur a ni a, India ram hmun hrang hrang aṭangin mi eng emaw zat an tel a ni.

IIMC Director-General hi Aizawlah ni thum a chám dawn a, nimin khan MZU campus-a IIMC, Aizawl Centre campus nghet tur sak mek a tlawh bakah, zirlaite a kâwm. Aizawla a chàm chhung-in chief minister Lal Thanhawla leh Mizoram sorkar mi pawimawhte a kâwm dawn a, chanchinbu mite a kâwm bawk ang.