Faina kawnga sikul tiṭha lawmman sem

School Education department leh UDPA department chuan nimin khan Aizawla Chanmari YMA Hall-ah Aizawla faina kawnga sikul leh zirtirtu thawk ṭhate hnenah lawmman hlanna hun an buatsaih a; parliamentary secretary (School Education) Joseph Lalhimpuia'n a hmanpui.

Joseph Lalhimpuia chuan, "Faina hi hmasawnna man tláwm ber, qualification ngai si lo, hlawkna tam tak thlentu a ni,” a ti a; khawsakna hmunte chu fai tak leh mawi taka kan enkawl a nih chuan mi dangte'n hmuh an châk ṭhin tih a sawi.

Parliamentary Secretary chuan, sorkar laipuiin faina leh thianghlimna a ngai pawimawh tih sawiin, "Sorkar hmalakna pakhat a nih vanga zâwm satliah ve mai lo a, thianghlim tak tak duhna rilru kan neih ṭheuh theih nana hmalakna a ni a, faina hi mi tin mawhphurhna a ni tih kan hriat reng a ṭul," a ti.

Inkhawmah hian School Education director K Lalthawmmawia leh UDPA deputy director RL Zidinga te pawhin thu an sawi.