Lawngtlaiah mihringa sumdawnna leh Damdawi hmansual chungchang zirho

Mizoram Ṭhalai Kristian Pawl (MṬKP) chuan nimin khan Lawng-tlai Bazar BCM Kohhran Gospel Cen-tena-ry Hall-ah middle school zirtirtute leh ṭhalai pawl hruaitute pualin mihringa sumdawnna leh damdawi hmansual chungchang zirhona, 'Training of Trainer's on Human Trafficking & Drug Abuse' an buatsaih.

Training hi LADC chief executive member VL Hmuaka'n a hawng a; VL Hmuaka chuan, Lawngtlai chu sualna kawngah a ṭhang chak hle tih sawiin, sualna chi hrang hrang do kawnga hmalak theihna tura MṬKP-in zirhona an buatsaih chu lawmawm a tih thu a sawi a, "Mihringa sumdawnna leh damdawi hmansualna hian kan ṭhalaite min rún mek a, ṭhalaite kan fimkhur a ngai hle," a ti.

VL Hmuaka chuan, media a ṭhang chak hle tih sawiin, "Social media hi a
ṭha zawnga nun min zirtirtu atan kan hman a hun tawh a, sum leh pai kan zawnna kawngah pawh kan fim-khur a ngai. Thianghlim taka sum thawk chhuak turin rilru kan neih a ngai a ni," a ti a; ṭhalaite zinga ruihhlo bâwiha táng mekte chhanchhuak turin Kristian ṭhalaite chu theihtawp chhuah zel turin a sáwm.

Training-ah hian chaw-hma lamah Social Jus-tice & Development In-dia director Jimmy Lal-tlan-mawia'n mihringa sumdawnna chungchang a sawi a; chawhnu lam--ah Social Welfare depart-ment hnuaia MSDRB facilitator Van-lalhruaii'n damdawi hman-sual chungchang a sawi thung.

MṬKP chuan human trafficking chungchanga inzirtirna kalpui an lo rel tawh a, chumi ang chuan Lawngtlaiah hian zirhona buatsaih a ni.