Note hlui thleng theih loh

Bank-a Rs. 500 leh Rs. 1,000 note hlui thleng theih hun chu Ningani zan zanlai aṭang khan a tawp a, bank account-ah erawh pawisa note hlui dah luh zel theih a ni.

Sorkar laipui thupek angin, Rs. 1,000 note hlui chu nimin aṭang khan khawi hmunah mah hman theih tawh loh tura tih a ni a; Rs. 500 note erawh chu sorkar sikul, sorkar enkawl college, mobile phone top-up thun nan, cooperative store leh electric bill leh tui bill pek nante December 15, 2016 thleng
hman chhunzawm theih tura tih a ni. Note hlui hi December 30 thleng bank account-ah dah luh theih tura tih a ni bawk.

Thu dawn danin, No-vember 24, 2016 thlenga SBI Main-in Rs. 500 leh Rs. 1,000 note hlui an thleng tawh zat chu Rs. 1,47,86,000 a ni a; note hlui bank account-a dah cheng vbc. 179 a awm tawh. India hmarchhak puma note hlui thleng tawh zat chu cheng vbc. 2,400 a tling tawh a ni.