Mizo Carbon Ltd. thubuai ACB-in an la chhui zo lo

Industrial Growth Centre, Luangmuala M/s Mizo Carbon Product Ltd.-in Central Transport Subsidy (CTS) leh Central Capital Invest-ment Subsidy (CCIS) dik lo takin a dil nia sawi chungchang chhuitu Anti Corruption Bureau (ACB) chuan preliminary inquiry an la zo lo.

Mizo Carbon Product Ltd.-in subsidy an hmuh danah thil dik tâwk lo a awm nia sawi a nih avangin June 13, 2016-a Council of Ministers ṭhukhawm chuan ACB chhuitir turin thutlukna a siam a; chumi bawhzui chuan chief secretary Lalmalsawma'n ACB hnenah Mizo Carbon Product chu chhui turin a hriattir a ni.

Thu dawn danin, ACB-te hian preliminary inquiry la zo lo mah se, document hrang hrang ṭhahnem tak an khawn khawm tawh a; thu zawhfiah ngaite an zawtfiah tawh bawk.

ACB-te hian preli-minary inquiry-ah hian thubuai hi chhui zui zel tlak a nih leh nih loh an zir chiang ang.