MLA-te'n sangha khawina hmun tlawh

Mizoram Legislative Assembly-a Subject Committee-I chuan, tun hnai khan Serlui ‘B’ Hydel Project tuikhuaha sangha khawina, cage-fish culture an tlawh a; Tuirial Hydro Electric Power Project-ah pawh cage-fish culture kalpui ve ṭha an ti.

Serlui’ B’ tuikhuahah hian Fisheries department chuan RKVY hnuaiah sangha khawina báwm (cage) 96 a siam mek a, cage pakhatah kum tin sangha chi 3,500 chhuah ṭhin a ni. Sangha khawi hi PPP mode-a kalpui a ni a, department leh khaw thlan bikte'n 50:50 in an kalpui a ni.

Fisheries department lamin sangha chi leh chawte an tum a, a chaw pek, tihfai leh venhimna lam chu a enkawltu khaw mite'n an thawk thung.Cage culture 96 aṭang hian kum 2014-15 leh 2015-16 chhung khan sangha quintal 501 thar chhuah a ni a, market rate aia tláwmin sangha chu an hralh a, kg. khat Rs. 100-in an hralh ṭhin.

Assembly Subject Committee-I ah hian an chairman chu PC Zoram Sangliana a ni a, member-te chu - Vanlalzawma, John Siamkunga, T Sangkunga leh Lalruatkima te an ni.