Synod-in Rs. 500 leh Rs. 1,000 Note hlui a dawng thei tawh lo

Mizoram Synod chuan Synod Office-in Rs. 500 leh Rs. 1,000 note tihthih tâk chu an dawng thei tawh lo tih a puang a; hemi chungchanga hriat chian duh neite chu Synod Finance department-ah zawtfiah turin an ngen.

Synod senior executive secretary Rev. Lalram-liana Pachuau-in hriat-tirna a chhuah dan-in, India sorkarin Rs. 500 leh Rs. 1,000 note November 8, 2016 zanlai aṭanga a tihthih hnuah hun eng emaw chen chu Synod-in pawisa note hlui dawng mah se, tunah chuan an dawng thei tawh lo. "Bial treasurer-te'n bank-ah Synod account-a deposit emaw, account dang aṭanga rawn transfer/cheque-a pek emaw tur a ni ang a, bank receipt, form C, form M, etc. hmangin Pathian ram sum thehluh tawh tur a ni," a ti.