Lunglei HPC leh Aviation Wing-in Airport atan Mautlang ram enfiah

Lunglei District High Powered Committee (HPC) vice chairman S Laldingliana leh GAD Aviation Wing hotute chuan nimin khan Lung-lei district-a Rúntung khaw bul Mautlang ram an tlawh a, airport siam theih a nih dawn leh dawn loh an enfiah.

S Laldingliana chuan, Lunglei HPC-in Lunglei district-a thlawhna ṭum hmun a awm theih ngeina turin theihtawp chhuaha hma a lak reng thu a sawi a; Runtung khaw bul, Mautlang ram chu HPC Vice Chairman a nih hnua airport tur zawnga hmun 14 an enna a nih thu sawiin, Aviation Wing lamin ṭha an tih chuan ground survey neih a nih tur thu a sawi bawk.

Aviation Wing deputy controller Saidenga chuan, Mautlang ram chu a hmun a ṭhat thu sawiin, a dung a tling a, a vâng zawng erawh chuan a tlin dawn leh dawn loh en chian
leh a nih tur thu a sawi.