MJSA-in Nelson Sailo an lawmpui

Mizoram Judicial Service Association (MJSA) chuan thuchhuah siamin, Mizo ukil ṭhin Nelson Sailo, Gauhati High Court judge atana dah a ni chu an chhuan thu an tarlang a, "Thinlung takin kan lawmpui a, judge ṭha tak ni turin duhsakna kan hlan e," an ti.

MJSA chuan, November 15, 2016-a Lunglei District Court building-a thubuai nei lai, táng mek Lalramenga'n ukil R Zothantluangi hmawlh zuma a vit chu pawi an tih thu leh an dem thu an tarlang a; Court building him tawk lo nia lang chu ngaihtuah chian ṭul an tih thu leh tun hnuah thil duhawm lo a thlen tawh loh nan thuneitute'n hma an lak an beisei thu an sawi bawk.