Rualbanlote Ni hman a ni

Khawvel puma Rualbanlote Ni, Inter-national Day of Persons with Disablilities chu nimin khan Aizawlah pawh Mizoram Disablility Forum, Social Welfare and Tribal Affairs department, National Institute for Locomotor Disabilities (North East Regional Centre Aizawl) leh SSA Mizoram ṭangho buatsaihin Falkland Park-ah hman a ni.

Rualbanlote Ni hmanpuitu Social Wel-fare director Dr Ankita Chakrabarti chuan, mihring reng reng rualbanlo pawh ni se, anmahni zâwn ṭheuhah thiam bikna leh theihna an neih ṭheuh tih a sawi a, "Chumi hâi chhuak tur leh chhawr ṭangkai tura ṭan lâk a pawimawh hle a ni," a ti. Rualbanlote Ni hmannaah hian rualbanlo ṭhahnem tak an tel a, an thiamthil leh theihna chi hrang hrang entir a ni a, mipa tan futsal inelna buatsaih a ni.