Pípu zàia hla inphuah-siak lawmman sem

Art & Culture depart-ment chuan nimin khan Vanapa Hall-ah pípu zai (tlar thum zai) thlûka Pathian fakna hla inphuahsiak lawmman an sem a, Art & Culture secretary Dr Lalzirmawia Chhangte-in kaihruaiin, Art & Culture minister R Lalzirliana khuallian a ni.

Minister R Lalzirliana chuan, pípu zai thlûka Pathian fakna hla inphuah-siak vawi khatna buatsaih a ni chu lawmawm a tih thu sawiin, "Hla 153 zet thehluh a ni hi kan hnam ziaráng kan ngaihhlutzia tilangtu a ni a, biak-inah lak luh hun a la awm ang a, a la hlu hle dawn a ni," a ti a; Mizo hnam ziaráng leh ṭawngte a bo lohna tura vawnhim leh chawisan chu mi tin mawhphurhna a nih thu a sawi.

Hla inphuahsiak thlûk chi nga - Domangi zai, Laldanga awi awi, Hrangchhawni zai, Suakpuivungi ruahvarpui bangtheh leh Darmani zai hmanga neih a ni a, mi 153 (mipa 119 leh hmeichhia 44)-in hla phuah an thehlut a; chu'ngte chu Domangi zaiah hla 36, Hrangchhawni zaiah hla 22, Laldanga Awi Awi zaiah hla 51, Suakpuivungi ruah-varpui bangtheh zaiah hla 17 leh Darmani zaiah hla 26 a ni.

LT Hauhnar, Chhiahtlang Hmarveng chu pakhatna a ni , R Lalrochhara, Keifang chu pahnihna niin, RC Kungpuii, Armed Veng chu pathumna a ni. Mi pasarih hnenah consolation prize pek a ni bawk.