GAC Fest 2025 buatsaih a ni

Government Aizawl College chuan nimin khan Mualpuia an hmunah GAC Fest an buatsaih a, minister of state Prof. Lalnilawma'n a hawng. Fest-ah hian dawr 32 a ni a, dawr tam zawk chu zirlaiten an thiamthil leh theihna an pho chhuahna atana siam a ni.

Prof. Lalnilawma chuan, zirlaite tan zirna a pawimawh rualin, kawng tinrenga hmasawnna a pawimawh tel thu a sawi a, "GAC Fest pawh hi chutianga rilru, taksa, thlarau, mi dangte nena thawhho zirna leh mi dangte tana luan chhuahna programme ṭha tak a ni. NEP 2020-in zirna kalphung thar a ken tel zinga hruaitu nih zirna leh harsatna sutkian dan zirna a sawite a taka hman chhuahna remchang a nih ngei ka beisei," a ti.

GAC Fest 2025 hawnna inkhawm hi GAC principal Lalbiakzuala’n a kaihruai a, Vigilance Awareness Week thutiam an sawi rual nghal. Fest hi vawiinah chhunzawma zawh a ni ang.