Hna pawimawh hmasa sawiho

Chief minister Lalduhoma hoin nimin khan CMO conference hall-ah PWD, PHE, Power & Elctricity, Rural Development leh Irrigation & Water Resources department hotute an ṭhukhawm a; department-te'n hnathawh tur hmachhawp an neih zinga an ngaih pawimawh hmasakte (priority list) sawiho a ni.

CM Lalduhoma chuan, department-te'n an ngaih pawimawh hmasak project-te chu a thawhna sum ngaihtuahpui hmasak an nih tur thu a sawi a; project thawhna man tur leh sum awm thei zat azirin thawh hmasak tur a danglam thei tih a sawi bawk.

Chief Minister hi adviser to CM (Finance) TBC Lalvenchhunga, CM secretary Vanlaldina Fanai leh Planning secretary Lalmalsawma Pachuau ten an ṭawiawm a ni.