Synod Inkhawmpui vawi 96-na ṭan a ni

Mizoram Presbyterian Kohhrana rorelna sang ber, Synod Inkhawmpui vawi 96-na chu nizan khan Mission Veng Kohhran biak-inah ṭan a ni a, vawiin aṭangin rorel a ni ang a, Pathianni zanah a ṭiak ang.

Nizan khan 'Inlawmna leh Report' inkhawm neih a ni a, vawiin chawhma dar 9:30 aṭangin rorel inkhawm neih a ni dawn. Moderator kal chhuak Rev. R Lalhmingthanga'n moderator thar Rev. R Lalchangliana hnena puithiam kawr a hlan hnuah rorel ṭan a ni dawn a, tun kar Inrinni thleng rorel a ni ang. Pathianni chawhma inkhawmah pastor nemngheh leh probationary pastor dahngheh inkhawm neih a ni dawn a ni.

Tun tum Synod Inkhawmpuiah hian thlarau lam thupui chu 'Nang malsawmna ni ang che' (Genesis 12:2) a ni.

Moderator                    :    Rev. R. Lalchangliana

Secretary                    :    Rev. R. Vanlalnghaka (Sr.) Rev. Vanlalrova Khiangte (Jr.)

Finance officer            :    Rev. B. Sangthanga, executive secretary Rev. Lalramliana Pachuau

Statistician                    :    Upa. C Lalbiakthanga, Bawngkawn

Executive secretary    :    Rev. Lianhmingthanga Sailo Rev. K. Lalrinmawia