Serchhip kawng humhalh

Serchhip Town Deve­lopment Committee (STDC) chuan, Inrinni khan Serchhip-II huam chhunga National Highway leh a chhehvela kawngpui
aṭanga hnawk phâka mimal thil awmte an enfiah a; December 2016 chhunga kawngpui dâl loa inchingfel turin an hriattir.

Thu dawn danin, STDC hian Inrinni hian Serchhip-II huam chhung chiah an enfiah a, remchang dangah hmun dang pawh an enfiah zel dawn. An enfiah laia mimal thil kawng atana hnawksak an hmuh zingah kawng sira in sakna bungrua leh hmanraw dah te, kawng bul hnaia tuizêm dah leh kawng aṭanga rimchhe phaka vawk-in sakte a tel.

STDC-ah hian Ser­chhip khawpui chhunga V/C hrang hrang, political party aiawh, YMA leh MHIP hruaitute an tel a ni.