Delhi Fair-a Mizoram Pavilion tlawh

New Delhi-a neih mek, 36th. India International Trade Fair 2016-a Mizoram aṭanga telte dawr hawnte chu nimin khan Commerce & Industries minister H Rohluna leh parliamentary secretary Joseph Lalhimpuia ten an tlawh.

India International Trade Fair hi November 14, 2016-ah ṭan a ni a, nimin khan zawh a ni. Fair-ah hian Mizoram aiawhin Commerce and Industries department chuan Mizoram Pavilion a buatsaih a; Mizorama puantahtu leh thiamthil hrang hrang siam chhuaktute'n dawr hawngin, an inphochhuak a ni.

Trade Fair-ah hian sorkar laipui leh state hrang hrangte bakah, ram pawn aṭangin sumdawngte'n dawr 7,000 vel an hawng a; Mizoram Commerce and Industries Pavi-lion-ah dawr 11 hawn a ni.