Sipai bángte hamṭhatna tur sawi dun

57 Mountain Division general officer commanding (GOC) Maj.Gen. SS Mishra chuan Inrinni khan chief minis-ter Lal Thanhawla chu CM Banglaah a kâwm a, sipai bángte hamṭhatna tur an sawi dun.

Chief Minister chuan, 57 Mountain Division chu Mizoramah kum 1968-a din tawh a nih avangin Mizoram nen inlaichinna thui tak an neih tawh thu sawiin, "Rambuai vangin rei tak Mizo ṭhalaite'n sipai an bawh lo a, mahse, tunah chuan Mizo ṭhalai sang tam tak sipaiah an
ṭang mek a ni," a ti a; sipai bángte hamṭhatna atan sorkarin hmalakna a neih mek thu a sawi.

Sainik School, Chhing-chhipah kum 2017 aṭangin zirna ṭan theih a ni dawn tih sawiin CM Hawla chuan, "Hei hian Mizote tan nasa takin sipaia officer ah luhna tur kawng a hawng thei dawn a ni," a ti.

Maj. Gen. SS Mishra chuan, sipai bángte pension chungchangah harsatna an tawh mek leh sutkian a nih thei nan a hote nen Mizoram an rawn tlawh thu a sawi a; sipai bángte hmakhua ngaihtuahtu Zila Sainik Board leh Rajya Sainik Board-te chu chak zawka thuam a ngaih thu Chief Minister a hrilh.

Maj. Gen. Mishra-a'n Mizorama Sainik School-ah India rama a hmasa ber ni turin hmeichhiate tan luhna tur kawng dap tura a ngen chungchangah Chief Minister chuan, rawtna chu ṭha a tih thu leh Sainik School Society hotute chu a sawipui tur thu a hrilh a ni.