MMS-in Mathematics Competition buatsaih

Mizoram Mathematics Society (MMS) chuan Mizoram Council of Science, Technology & Inno-vation Council (MISTIC) nen ṭang-
kawpin Inrinni khan Mizo-ram hmun hrang hrangah Mathematics Compe-tition an buatsaih a; zirlai ṭhahnem tak an tel.

Mathematics Compe-tition hi pawl 5, 8, 10 leh 12 zirlaite tan buatsaih a ni a, Aizawl, Lunglei, Cham-phai, Serchhip, Saitual leh Kolasib-ahte exam centre a awm a, Aizawlah chuan Pa-chhunga University Col-lege-ah exam buatsaih a ni.

Exam hmachhawn turin Aizawlah zirlai 1,558, Lung-leiah 107, Cham-phai-ah 297, Serchhipah 194, Saitualah 177 leh Kolasib-ah zirlai 77, an vaiin zirlai 2,410-in hming an pe. Hming pe zingah pawl 10 atana hming pe tam berin, 787 an ni a, pawl 8-ah zirlai 776, pawl 5-ah 573 leh pawl 12-ah 274 an ni.

Inelnaa tiṭhate hnenah lawmman ṭha tak pek a ni dawn a, lawmmante chu National Mathematics Day, December 22, 2016-ah sem a ni ang.

MMS chuan, inelna an buatsaih chhan ber chu, Mizo zirlaite'n mathematics an hlauhna tibo tur leh mathe-
matics zirna lama hmasawn theih nan a ni a; ram pum huap leh khawvel huapa mathe-
matics inelna sang - Inter-
national Mathe-matics Olym-piad exam-ah Mizote hming a lan theih nana rahbi pawimawh tak a nih vanga buatsaih a ni thu an tarlang bawk.