STAM-in NIT Mizoram hmun an tlawh

Science Teachers' Asso-ciation, Mizoram (STAM) chuan kumina an conference thurel, 'NIT, Mizoram tihchangtlun a nih theih nan hmalak ni se,' tih bawhzuiin Inrinni khan Lengpuia National Institute of Technology, Mizoram hmun an tlawh.

NIT, Mizoram hmun zau zawng chu ṭin 170 hmun vela zau a ni a; STAM chuan, Lengpui khawtlangin Airport bul hnaia NIT dinna tura ram an pe chu lawmawm an tih thu an tarlang.

STAM chuan, NIT hmunah kum 2014 aṭangin kut thlak ṭan niin, master plan siam tawh a ni a, mahse, pawm a la ni lo tih an tarlang a, "NIT hmun hi a ram chin hung hna leh ramri hrûl kual chhuakin laih a ni a, ramri hung hna 90% leh kawng laih hna 40% thawk zo tawh ang an ni," an ti.

STAM chuan, NIT hmuna hna thawh tur hmabak awmte chu ṭha taka thawh a nih an beisei thu leh he zirna inah hian Mizo zirlaite a tam thei ang ber lut thei se an duh thu an sawi a; tun thlenga hna thawh tawhah ṭha tawka an ngaih thu an sawi bawk.