MZP Quiz-a pakhatna - Living Water School

MZP-in Inter High school Quiz 2016 an buatsaih chu November 25, 2016 zan khan Ignite Studio-ah zawh a ni a; Living Water School pakhatna an ni.

MZP Quiz-ah hian final-ah Living Water School, Royal Standard School leh St.Paul's Higher Secondary School-te an intihsiak a; final hi MZP president hlui leh MLA R Vanlalvena'n a hmanpui. R Vanlalvena chuan, zirlaite chu tunlai thiamna man pha tura a chah rualin, mobile phone leh social media-te intihbuaitir lo turin a chah a, "In lo khawih a nih pawhin, hun hmang thiam tur leh a ṭha zawnga hmang turin ka chah che u a ni," a ti.

MZP Quiz 2016-ah hian Mizoram hmun hrang hrang aṭangin sikul 18 an tel a; pakhatna Living Water School-in Rs. 30,000 an dawng a, pahnihna St. Pauls HSS-in Rs. 20,000 dawngin, pathumna Royal Standard School-in Rs. 10,000 an dawng bawk.