NEDFi-in Online marketing zirtir

North Eastern Development Finance Corporation, Ltd (NEDFi) chuan, nimin khan Aijal Club-ah handloom leh handi-craft-a sumdawngte pualin e-Commerce leh online marketing work-shop an buatsaih a; Commerce & Industries minister H Rohluna'n a hmanpui.

H Rohluna chuan, Mi-zo-ramah puantaha eizawng tam tak an awm thu sawiin, "Tual-chhungah mamawh aia tam Mizo puantah lei tur a awm tawh. Mizorama puan tahtute'n state páwn lama thawn chhuah tur puantah leh thuamhnaw siam intihhmuh ṭan se a duhawm. State páwn lammite duh záwng, cotton yarn pawh puantahna hmanruaah hman a ṭul a ni," a ti.

Handicraft lamah duh angin sorkarin hma a la chak thei lo chu pawi a tih thu sawiin H Rohluna chuan, "Hmalakna thar nen chak zawka handicraft-a Mizo kutthemthiamte chawikan sorkarin a tum," a ti a; NEDFi-in online marketing hmanga Mizo handicraft leh hand-
loom-te hralh a nih theihna tura kut hnathawktu leh sumdawngte kawng kawhmuhna an siamsak chu lawmawm a tih thu a sawi.

Workshop-ah hian NEDFI leh Indian Pos-tal department aṭanga mithiamte'n online mar-keting hmanga bungraw hralh chungchanga thil pawimawh-te leh hriat tur
ṭulte an sawi a ni.