Coldmix hman dan zirho a ni

Central Road Research Institute (CSIR-CRRI) leh Mizoram PWD chuan nimin khan PWD conference hall-ah alkatra chhuan tui ngai lo coldmix technology zirhona leh enchhinna an buatsaih. Coldmix hi Mizoramah pawh kawng siamnaah hman uar ber a ni mek. 

CSIR-CRRI senior scientist Dr Siksha Swaroopa-in alkatra chhuan ngai lo, coldmix hmanga  kawngpui siam dan a zirtir a, "Alkatra chhuan sat a ngaih loh avangin pollution a tlem phah a, ni khata hna thawh theih zat a tam zawk a, kum tluana hman theih a nih avangin ruahtui tamna Mizoram tan uar zawka hman a ṭul hle a ni," a ti a; chutih rualin, Mizoramah lung chang ṭha a tam loh avangin coldmix hman tur thlan uluk a ngaih thu a sawi bawk.