Bru hruai kîr dan tur sawiho

Lunglei District Level Core Committee on Bru Repatriation and Rehabilitation chu nimin khan Lunglei DC Lalzarmawii hoin a pisaah an ṭhukhawm a, Tripura
aṭanga Mizoram Bru hruai kîr dan tur an sawiho.

Meeting-ah hian November 7, 2016 aṭanga Bru camp palia Lunglei district mi leh sa bik Bru enfiah dante thlirlet a ni a; Khakchangpara aṭangin chhungkaw pali, Hamsa-para aṭang-in chhungkaw pakhat, Naisingpara
aṭangin chhungkaw 63 leh Hazachera aṭangin chhung-kaw 316-te enfiah an nih thu an tarlang.

Kumin November 30 leh December 15 chhunga camp pali aṭanga Bru hruai kîr tura ruahmanna siamte thlirho a ni a; Bru hruai kîrte chenna tur hmun siamsak te, an kal dan tur leh ei leh in pek dan tur te, venhimna pek dan tur te, damdawi sem tur leh damlo enkawlna te, tui thianghlim leh kawlpetha pek dan turte sawiho a ni bawk.