Mizoram Anganwadi zawng zawngah ECCE curriculum hmang ṭan

Social Welfare depart-ment chuan nimin khan Anganwadi Workers Training Centre, Laipui-tlangah Mizorama angan-wadi centre tina kalpui tur Early Childhood Care & Education (ECCE) curriculum an hawng. Nimin aṭang khan ECCE curriculum chu Mizorama anganwadi centre zawng zawngah hman ṭan a ni.

Mizorama anganwadi centre-ah kum tam tak chhung chu non-formal pre-school education kalpui a ni reng tawh a, state puma hman tur curriculum erawh siam a la ni ngai lo. Mizoram puma anganwadi centre zawng zawngah inang veka hman turin ECCE curriculum duan a ni a; ECCE curriculum hmang turin anganwadi worker-te pawh zirtir vek tawh an ni.

Sorkar thuchhuah tarlan danin, ECCE curri-culum-ah hian thupui 21 a awm a, thupui pakhatin ni nga chhung zel awhin, chawlhkar hnih chhung zel zir zel tura tih a ni. ECCE curriculum-ah hian naupangte'n taksa leh rilru lama hma an sawn theih nan tih tur chi hrang hrang an kum mil zel tura duan a ni a; Mizo thawnthu, Mizo infiamna leh hla uar a ni.

ECCE curriculum nena hman kawp turin lehkhabu pathum - Naupang Thawnthu & Nursery Rhymes, Activity Book Level-I leh Activity Book Level-ll buatsaih a ni.