KHAWTHLIR

Thisen pe

Thingsulthliah Diakkawn Branch YMA chuan, December 1-a an din champha thleng tur pualin nimin khan blood donation camp an huaihawt a, Aizawl Civil Hospital tan mipa 42 leh hmeichhia pangate'n thisen unit 47 an pe.

In saksak

Khawbung Branch YMA chuan an huam chunga mi pakhat, damlohna vanga hna thawk thei lo chu in an saksak. In hi a dung ft. 18 leh a vâng ft. 16-a zaua sak a ni a, a sakna atan mi tlawmngaite pawisa leh hmanraw thawhkhawm te, Khawbung BDO leh V/C aṭanga pawisa an dawn leh bialtu MLA T Sangkunga rangva pekte hman a ni.

Police training

Nimin khan Lunglei district police-te tan Lunglei SP conference hall-ah ni thum awh tur, 'Training on Community Policing and Gender Sensitization' buatsaih a ni a; Lunglei district-a police officer leh staff 25 an tel.

Tlan phal lo

PWD chuan thuchhuah siamin, Chawnpui to Tuikual inkar (Kang-ṭhelhkawn to Tuikual lei) chu naktuk aṭangin siam a nih dawn thu an tarlang a, "Siam hun chhung hian zing dar 9 aṭanga tlai dar 4 thleng lirthei kal phal a ni dawn lo," an ti.

Bukna endik

Champhaia Legal Metrology enforcement-te chuan, tun hnai khan Champhai Bazarpuia sa zuar leh thlai zuarte bûkna an endik a, an bûkna hi a dik tlangpui tih hmuh chhuakin, a ṭha lo leh dik lohna neite chu an siamṭhattir nghal a ni.

SEC din

BJP Mizoram Pradesh chu nimin khan an pisa-ah an president Dr. JV Hluna hoin an ṭhukhawm a, kum 2018 State Assembly inthlanpui lo awn tur an thlir hoa, State Election Committee (SEC) dinin, member turte an ruat nghal. Meeting-ah hian district hrang hranga BJP President tur pawh an ruat nghal a ni.