Lirthei tlân dan tur ruahman

UDPA department leh PWD-in No-vember 30 aṭanga December 5 inkar chhunga Republic Veng, Upper Republic leh Venghlui inrina, Pi Pangi Pêng kawng pengṭhuam siam hna an thawh dawn avangin, Traffic SP chuan kawng siam chhungin lirthei kal theih a ni dawn lo tih a puang a; a hêlna atana lirthei tlân dan tur ruahmanna a tarlang.

Ruahmanna hian chhiatrupna thil, kângmei leh rîkrum kaihhnawiha duty leh dan leh thupek pawimawh bika duty-te chêt velna a huam dawn lo. Hriattirna hian November 30 - December 5 inkar a huam dawn a, hriat lâwk loh rokhawlhna a awm palh chuan pawhsei theih a ni ang.

Traffic SP ruahmanna siam dan

1. Chhuk zawngin:

(a) Treasury Square aṭanga tlanin Pi Pangi Peng thlen hma Venghlui kawng chhukah tlanin, Bethlehem Veng leh College Veng lamah tlân theih a ni ang.

(b) Sikulpuikawn aṭangin Rinna Kohhran biak-in bula péng thlain, Khurpui Road to Republic (Kawipui) ah a kal theih ang. He kawngah hian chho zawngin lirthei tlan phal a ni dawn lo.

2. Chho záwngin:

(a) College Veng aṭangin Republic Vety Mual (Rev. Lalthanga Road)-ah tlan chhoin Venghlui biak-in bula chhuakin, Dakinpui bulah chhuah chhoh theih a ni ang.

(b) Republic Veng biak-in thlanga Zohmaa Road-a tlanin, Venghlui biak-in bulah a chhuah thei ang.

(c) Two wheeler bik tan Holy Heart School bul aṭangin Upper Republic biak-in bulah a chhuah chhoh theih ang.

(d) Bethlehem Veng aṭangin Dakinpui lam panin lirthei eng chi mah tlan chhoh phal a ni lo.