Policy leh programme duan thar hrilhfiah

MNF Policy & Prog-ramme Drafting Committee chuan nimin khan Mizo Hnam Runah policy leh programme an duante MNF OB-te a lem nen an hrilhfiah.

MNF thuchhuah tarlan danin, MNF hian policy leh programme mumal tak, a din tirh aṭangin nei mah se, khawvel technology changkanna inher zelah insiamrem ngai laite a awm vangin, MNF vice president Dr. R. Lalthangliana kaihhruai-na hnuaiah MNF Policy & Programme Drafting Committee din a ni. Anni hian an hna chu November 24 khan an zo fel a ni.

MNF policy leh programme-ah hian political and administration chungchang policy siam thar te, sorkar inawpna leh rorelna kalpui dan tura ruahmanna thar te, thuneihna semzai 'Power Decentralization and Out-sourcing' te, dorkar inrelbawlna chak leh rang zawka information technology, e-Governance leh e-Office uar zawk dan tur te, Dan rorelna Judiciary tih chak dante leh MNF-in a neih sa, Socio-Economic Development Policy (SEDP) changtlung zawka thuam dante telh a ni.

Economic policy thar-ah chuan chaw, buh leh bal-a intodelhna tura tlang-ram lo leh luan neitute dawmkanna tura rua-hmanna chu kalpui lian bik tur zinga mi a ni.