DIG Southern Range huam chhungah 2018 aiin 2019-ah thubuai a tlem zawk
DIG (Southern Range) Rajneesh Gupta kaihhruaia November 29, 2019-a Crime and Law & Order Review neihah thla 10 chhungin nikumah aiin kuminah thubuai ziah luh 92-in a tlem zawk tih tarlan a ni.
Review meeting-a an tarlan danin, January-October 2018 chhung khan DIG Southern Range hnuaiah thubuai 398 ziah luh a ni a, kumin 2019-ah chuan January-October chhungin thubuai 306 ziah luh a ni thung.
Meeting-ah hian Southern Range huam chhung district pali - Lunglei, Lawngtlai, Siaha leh Hnahthial district-a superintendent of police te leh police officer dangte an tel a; pawi khawihna thleng dinhmun leh a chhui zuina chak zawka kalpui dan tur te, kumin chhunga dan leh thupek kenkawhna leh hmasawnna turte sawiho a ni. Krismas leh kumthar lo thleng tura venhimna leh dan leh thupek kenkawh dan turte an sawiho bawk.
DIG Rajneesh Gupta chuan, SP-te chu an district chhunga dan leh thupek ṭha taka kengkawh tur te, dan bawhchhiate chunga dan anga action la turtein a chah a; IPRO, media, tlawmngai pawlte leh mipuite nen ṭha taka thawkho zel turin a chah bawk.