Chapchar Kut 2026 thupui atan 'Zo nun ze mawi - inremna' thlang

Chapchar Kût Or-ganising Committee chuan nimin khan an chairman Lalduhoma, chief minister kaihhruaiin CMO conference hall-ah nakkum 2026-a Chapchar Kût hman dan tur an rêl a, kût thupui atan 'Zo nun ze mawi - inremna' tih an thlang.

Ṭhutkhawmah hian Chapchar Kût hman hun rei zawng chu chawlhkar khat chhung ni turin an duang a; hmun hrang hrangah a hmanna hun buatsaih a, Kût hmanna pui ber chu Lammuala neih an rêl.

Chapchar Kût hman ṭhin hun, March thlaa Zirtawpni hmasa ber chu KṬP General Conference nen a inrual ṭhin thu tarlan a ni a; kum 2026-ah chuan Kût hmanna pui ber March 13-ah buatsaih an rel a ni.

Chapchar Kût hman dan tur kimchang duangtu tur committee dinin, budget an duang a, Sponsorship Committee leh Post Souvenir Editorial Board an din nghal. Hnam pual cultural troupe te, North East Zone Cultural Centre leh ICCR cultural troupe-te sawm an rel a; Chief Minister's Award sem zel dan tur sawiho a ni bawk.