CM hoin NE hmasawnna tur sawiho

Chief minister Lalduhoma kaihhruaiin October 27, 2025 khan High Level Task Force on the North East Economic Corridor chu online-in an ṭhukhawm. DoNER minister Jyotiraditya M Scindia leh state hrang hrang minister-te an tel a; an rorelte aṭangin final report siam a ni ang.

Ṭhutkhawmah hian Bangladesh leh hmarchhak state khawpuite inkalpawhna kawngpui lian neih chungchang te, India - Myanmar - Thailand inkalpawhna tur kawngpui chak zawka thawh te, Guwahati chu hmunpuia hmanga helicopter hmanga hmarchhak state khawpuite inthlun zawmna ṭha zawk siam te, Inland Waterway pawimawh Barak, Brahma-putra leh lui dangte thuam ṭhat chungchangte an rêl.

Rél hmanga hmarchhak khawpuite thlun zawm a, rel chuan man tlawm zawk a awm theih nana kawlphetha hmang chi rêl (electric train) hman uar te, internet service ṭha zawk leh zau zawk siam te, ramria insumdawnna tur hmunhma din thar leh tihchangtlunna te, hmarchhak state-te tana product branding awlsam leh market zau zawk siam chungchangte an sawiho bawk.

Ṭhutkhawmah hian Planning secretary Lalmalsawma Pachuau-in High Level Task Force meeting neih tawh aṭanga rawtna lutte behchhana report an duante a sawifiah a ni.