Lirthei tlân dan tidanglam

Aizawl Traffic SP Ruatsanga Ralte chuan thuchhuah siamin, Vaivakawn leh Temple Square inkarah lirthei ṭhenkhat tlan theih hun tihdanglam a nih thu leh, PHE-in pipe phûm ṭhat an enchhin dawn avangin vawiin October 29 aṭanga November 5, 2025 thleng Vaivakawn Zohnuai leh Ropaiabawk inkar kawng khar a nih dawn thu a tarlang.

Traffic SP tarlan danin, Temple-Vaivakawn inkarah lirthei tlan dan a felfai zawk theihna tur leh mipui himna atan MMV/HMV-te tana tlan theih hun tihdanglam a ni. Vaivakawn aṭangin Temple Square lam panin MMV/HMV-te chu zan dar 7-9 inkarah chauh tlan chhoh phal a ni a; Temple Square aṭangin Vaivakawn lamah zan dar 9:30 aṭanga zing dar 6:30 inkarah chauh tlan phal a ni.

PHE department chuan Greater Aizawl Water Supply Scheme Phase-III pipe line chhia an siam chu an enchhin (hydraulic testing of pumping) dawn a; hei vang hian Vaivakawn Zohnuai leh Ropaiabawk inkar kawng chu vawiin aṭanga November 5, 2025 thleng lirthei tlan theih loha khâr a ni dawn a ni.