Hman khat daih sarâng ṭhat lohna inzirtir

Ministry of Information and Broadcasting hnuaia Central Bureau of Communication (CBC) Field Office, Aizawl chuan nimin khan JL High School-ah hman khat daih sarâng (single use plastic) ṭhat lohna inzirtirna an buatsaih.

Inzirtirna hi CBC Field Office in-charge Lalginlen Lhouvum-in a kaihruai a; UDPA department aṭangin Esther Vanlalmawii'n zirlaite chu single use plastic hman tlem pawimawhna leh, plastic kaihhnawih bawlhhlawhin ram leilung a tihchhiat dante a zirtir a ni. Zirlaite tan environment kaihhnawih quiz intihsiak buatsaih a ni bawk.

Awareness campaign-ah hian CBC hotu te, JL H/S zirtirtute leh zirlai mi 230 vel an tel a; hman khat daih sarâng hmang tlem turin thu an tiam bakah, sikul tual an tifai nghal a ni.